Poslije poraza u gradskom derbiju i dva bledunjava remija sa Atalantom i Fjorentinom, Interu se konačno otčepilo; izabranici Kristijana Kivua pregazili su Romu sa 5:2 u 31. kolu Serije A, i tom pobjedom napravili ogroman korak Skudetu, pošto sada sa utakmicom više imaju čak devet poena prednosti u odnosu na drugoplasirani Milan.
Da nas na Meaci očekuje pljusak golova, moglo se naslutiti još u prvom minutu, kada je Lautaro Martines, poslije sjajnog prodora Markusa Tirama po desnom krilu, povratnu loptu snažno torpedirao u mrežu i Interu donio ranu prednost, prenosi Sportal.
Iako je Đanluka Manćini u 40. minutu Romi donio izjednačenje, radost gostiju je kratko trajala, pošto je Hakan Čalhanoglu samo nekoliko stotina sekundi kasnije projektilom sa 25 metara “razneo” mrežu Mileta Svilara.
Bio je to, kako se ispostavilo, početak Rominog kraja. U drugom poluvremenu, u intervalu od 52. do 63. minuta, Lautaro, Tiram i Barela su Interu donijeli ogromnih 5:1, a konačan rezultat je u 70. minutu postavio Lorenco Pelegrini, podarivši Romi još jedan utješni gol.
Nakon ove pobjede, Inter je prvi na tabeli Serije A, sa 72 poena, dok je Roma šesta sa 54 boda.
Saznajte sve o najvažnijim vijestima i događajima, pridružite se našoj Viber zajednici ili čitajte na Google News.